D Wirtschaftsprüefigsgselschaft EY Schwiiz isch unter de Leitig vom Marcel Stalder entschlosse, bi de Digitalisierig nöd nur über d Theorie z rede, sondern au konkreti Schritt z mache. Als erschti Schwiizer Grossunternehmig het EY Schwiiz d Kryptowährig Bitcoin als Zahligs-Mittel igführt. Ab Januar 2017 chönd Kunde ihri Rechnige für Prüefigs- und Beratigsdienst mit Bitcoin zahle. D Bitcoins werded debi diräkt via en Finanzintermediär i Schwiizer Franke umgwächslet, so dass für EY keis Währigsrisiko besteht.

Aber nöd nur gägenüber de Kunde, au intern will de Marcel Stalder d Digitalisierig voraatribe. Im Hauptsitz a de Zürcher Hardbrugg het EY en öffentlich zugängliche Bitcoin-Bancomat installiert. Det chönd nöd nur Mitarbeiter, sondern au Bsuecher Schwiizer Franke i Bitcoins tuusche und umgekehrt. Zuesätzlich überchömed alli Mitarbeiter d “EY Wallet”-App als virtuells Portemonnaie uf ihres Firmehändy.

“Mir wänd di neui Blockchain-Technologie greifbar mache und alli Mitarbeiter und Kunde für die Thematik sensibilisiere”, erklärt de Marcel Stalder. Denn er isch sich sicher: In Zuekunft wird EY Schwiiz nöd nume in Finanz- und Stüürfrage beruefswiis sii, sondern au Kunde bim ganzheitliche digitale Wandel vo Strategie, Organisationsstruktur und Unternehmenskultur begleite.

Fünf zentral Handligsfelder het de Marcel Stalder debii identifiziert: D strategisch Usrichtig, s Gschäftsmodell, d Kontroll- und Supportfunktione, d IT-Infrastruktur und s Datemanagement, sowie de kulturell Wandel und d Füehrigschultur.

Für siini eigeti digitali Transformaion setzt EY Schwiiz konsequent uf moderni Technologie wie Analytik, Big Data, Robo Advisors und Web-Awendige. En “EY Cloud” stellt de Mitarbeiter Rächeleistig zur Verfüegig, während es “Paperless Smart Office” d traditionelli Bibliothek ersetze soll. D zuekunftsorientierti Wirtschaftsprüefig soll interaktiv und kundefreundli über d Plattform “EY Canvas” abgwicklet werde.

“Mir müend Pionierarbeit leiste, damit d Schwiiz au in Zuekunft als Wirtschafts- und Finanzstandort wettbewerbsfähig blibt”, forderet de Marcel Stalder. Drum setzt er mit siim Engagement für Bitcoin, Blockchain und Digital Transformation es starks Zeiche. Es Zeiche, wo au i de konservative Revisionsbranche hoffentli kei Einzelfall blibt, sondern zum Nochdenke aaregt. Well nur wer de digitali Wandel aktiv mitgstaltet, cha siini Kunde optimal uf di zuekunftigi Gschäftswelt vorbereite und innovativi Lösige aabiete, isch de Marcel Stalder überzügt.